Больш за тысячу сем'яў скарысталіся бясплатнай прававой дапамогай

1 чэрвеня ва ўсім свеце адзначаюць Дзень абароны дзяцей! Міністэрства юстыцыі далучаецца да віншаванняў і традыцыйна робіць свой уклад у скарбонку добрых спраў, арганізуючы бясплатныя прававыя кансультацыі сем'яў, якія выхоўваюць непаўналетніх дзяцей.

Па прававую дапамогу па ўсёй рэспубліцы сёння звярнулася больш за тысячу сем'яў. Такі паказчык сведчыць аб запатрабаванасці бясплатнай прававой дапамогі сярод насельніцтвы. Грамадзян цікавілі, перш за ўсё, пытанні ўчынення натарыяльных дзеянняў у сферы шлюбна-сямейных адносін і абароны правоў дзяцей, у тым ліку згод, шлюбных дагавораў, пагадненняў аб дзецях, аб выплаце аліментаў. Таксама тлумачыліся нюансы пастаноўкі на чаргу маючых патрэбу ў паляпшэнні жыллёвых умоў.

Кансультацыі праводзіліся як на асабістым прыёме, так і ў рэжыме "гарачых" тэлефонных ліній.

«У кожнай краіне, незалежна ад узроўню яе эканамічнага развіцця, ёсць грамадзяне, якія маюць абмежаваныя матэрыяльныя рэсурсы і ў сувязі з гэтым маюць патрэбу ў падтрымцы, у тым ліку і прававой. Акцыі па бясплатным кансультаванні - гэта магчымасць для нас дапамагчы асабліва ўразлівым пластам насельніцтва», - растлумачыў старшыня Беларускай рэспубліканскай калегіі адвакатаў (БРКА) Аляксей Швакоў.

Акрамя гэтага прадстаўнікі юрыдычнай супольнасці  пабывалі ў дзіцячых установах па ўсёй краіне, падарылі часцінку цяпла і клопаты дзецям, якія засталіся без апекі бацькоў і дзецям з асаблівасцямі развіцця. Былі ўручаны каштоўныя падарункі і салодкія пачастункі.

Так, напрыклад, напярэдадні Міжнароднага дня абароны дзяцей першы намеснік генеральнага дырэктара РУП па аказанні паслуг "БелЮрЗабеспячэнне" Аляксандр Рогаў, дырэктар Віцебскага філіяла Аляксей Шляхта, работнікі ўпраўлення ацэнкі і рэалізацыі маёмасці сумесна з прадстаўнікамі Віцебскай абласной натарыяльнай палаты і тэрытарыяльных органаў прымусовага выканання. наведалі Вялікалетчанскі дзіцячы дом (ДУА «Сацыяльна-педагагічны цэнтр Віцебскага раёна»). Гэта асаблівае месца: гісторыя Вялікалетанскага дзіцячага дома, заснаванага ў былым маёнтку акадэміка Адамава В.У. для дзяцей-сірот Вялікай Айчыннай вайны, налічвае больш за 75 гадоў.

Мерапрыемства прайшло ў душэўнай атмасферы. Захапляльная шоу-праграма падарыла дзецям незабыўныя ўражанні. Напрыканцы свята выхаванцам Дзіцячага дома ўручаны падарункі: спартыўны інвентар, канцылярскае і школьнае прыладдзе.

«Міжнародны дзень абароны дзяцей – светлае свята, якое нагадвае дарослым аб іх патрыятычным абавязку дапамогі дзецям і ўдзеле ў іх выхаванні. Магчымасць зладзіць свята для дзяцей, якія асабліва маюць патрэбу ў падтрымцы з боку дарослых, - вялікі гонар для нас», - пракаментаваў Аляксандр Рогаў.

Абарона правоў і інтарэсаў дзяцей - адзін з прыярытэтаў дзяржаўнай палітыкі Рэспублікі Беларусь.

Дзеці - наша будучыня!