Бясплатныя прававыя кансультацыі да Дня юрыста прайшлі ў ГЦ "Сталіца"

1 снежня 2022 г. Міністэрствам юстыцыі напярэдадні прафесійнага свята Дня юрыста, якое адзначаецца ў першую нядзелю снежня, а сёлета і 105-годдзя ўтварэння органаў, якія рэгіструюць акты грамадзянскага стану, арганізавана і праведзена акцыя па бясплатным прававым кансультаванні грамадзян.

У правядзенні акцыі таксама прынялі ўдзел адвакаты, натарыусы, работнікі органаў загса, органаў прымусовага выканання.

Больш за 100 грамадзян змаглі атрымаць прававую дапамогу па пытаннях, якія іх цікавяць, з 12.00 да 15.00 у гандлёвым цэнтры «Сталіца».

Рэалізуемыя ў сістэме прававой асветы мерапрыемствы выступаюць своеасаблівым інструментам фарміравання прававой культуры, стымулююць актыўныя прававыя паводзіны грамадзян.