Падведзены вынікі штогадовага конкурсу на прыз імя У.Д.Спасовiча

У Міністэрстве юстыцыі падведзены вынікі штогадовага конкурсу на прыз імя У.Д.Спасовiча – выдатнага беларускага юрыста, публіцыста і літаратуразнаўца.

Асноўнай мэтай конкурсу з'яўляецца прапаганда станаўлення прававой дзяржаўнасці ў Беларусі, павышэнне прававой культуры грамадзян, ролі і значэння права, папулярызацыя прафесіі юрыста.

За галоўны прыз конкурсу бароліся юрысты, журналісты, медыятары, студэнты, якія асвойваюць адукацыйную праграму вышэйшай адукацыі ў сферы права.

Творчае спаборніцтва праводзілася па наступных намінацыях: пракуратура, следства, выканаўчае вядзенне, адвакатура, натарыят, навука і права, гаспадарка і права, медыяцыя, права і журналістыка, студэнцкая навука.

Работы прадстаўляліся як індывідуальна, так і ў складзе аўтарскіх калектываў.

Конкурснай камісіяй у вышэйназваных намінацыях вызначаны пераможцы і дыпламанты.

Намінацыя «Пракуратура»:

Дыплом – Аўтарскі калектыў выдання «Крымінальнае права: курс практычных і кантралiруемых самастойных заняткаў» пад агульнай рэдакцыяй Конюка А.У. і Марчука В.В.

Намінацыя «Следства»:

Прыз – Цімафеева К.С., рэдактар аддзела краязнаўства ўстановы «Рэдакцыя газеты «Гомельскія ведамасці».

Намінацыя «Выканаўчае вядзенне»:

Прыз – Тарасевіч А.А., начальнік аддзела прымусовага выканання Ганцавіцкага раёна галоўнага ўпраўлення юстыцыі Брэсцкага аблвыканкама.

Намінацыя «Адвакатура»:

Прыз – Буката В.I., адвакат Мінскай абласной калегіі адвакатаў;

Дыплом – Комель В.Г., адвакат Мінскай абласной калегіі адвакатаў.

Намінацыя «Натарыят»:

Прыз – Копцiк А.М., архівіст першай Магілёўскай натарыяльнай канторы Магілёўскай натарыяльнай акругі;

Дыплом – Крыльцова А.Ю., натарыус Гродзенскай натарыяльнай акругі.

Намінацыя «Навука і права»:

Прыз – Аўтарскі калектыў дапаможніка «Інтэрактыўныя тэхналогіі навучання ў сістэме падрыхтоўкі кадраў для праваахоўных органаў» (пад рэдакцыяй Саўчук Т.А.);

Дыпломы:

Данiлюк С.Я. – суддзя Канстытуцыйнага Суда Рэспублікі Беларусь, кандыдат юрыдычных навук;

Сенькова Т.У. – загадчык кафедры тэорыі і гісторыі дзяржавы і права Гомельскага дзяржаўнага ўніверсітэта ім. Ф.Скарыны, кандыдат юрыдычных навук, дацэнт;

Мажаева Л.Я. – старшы выкладчык кафедры тэорыі і гісторыі дзяржавы і права Гомельскага дзяржаўнага ўніверсітэта ім. Ф.Скарыны.

Намінацыя «Гаспадарка і права»:

Дыпломы:

Петухоў Д.М. – юрыст, прадстаўнік кампаніі “Expresslogic J.T. Gzajka Sp.J»;

Тамашэўскі К.Л. – прафесар кафедры грамадзянска-прававых дысцыплін міжнароднага ўніверсітэта «МІТСО», доктар юрыдычных навук, прафесар;

Воўк А.А. – прафесар кафедры грамадзянска-прававых дысцыплін міжнароднага ўніверсітэта «МІТСО», кандыдат юрыдычных навук, дацэнт.

Намінацыя «Права і журналістыка»:

Прыз – Юрыдычны навукова-практычны журнал «Юстыцыя Беларусі»;

Дыплом – Федаровіч К.Э., карэспандэнт дырэкцыі інфармацыйнага вяшчання ЗАТ «Сталічнае тэлебачанне».

Намінацыя «Студэнцкая навука»:

Прыз – Казлоўская В.А., студэнтка 4-га курса юрыдычнага факультэта Беларускага дзяржаўнага ўніверсітэта;

Дыплом – Паўлоўскі В.А., аспірант кафедры міжнароднага прыватнага i еўрапейскага права факультэта міжнародных адносiн Беларускага дзяржаўнага ўніверсітэта.

Намінацыя «Медыяцыя»:

Дыплом – Сцяпанава А.С., старшыня РГА «Беларуская ліга сямейных медыятараў», медыятар і трэнер вучэбна-практычнай установы «Цэнтр медыяцыі і перагавораў», адвакат Мінскай гарадской калегіі адвакатаў.

Спецыяльны прыз конкурсу:

Галоўнае ўпраўленне юстыцыі Гомельскага аблвыканкама (кніга «Юстыцыя Гомельшчыны. Гісторыя і сучаснасць»)