Указам Прэзідэнта Рэспублікі Беларусь падоўжаны тэрміны дзеяння дакументаў

25 лістапада 2020 года выдадзены Указ Прэзідэнта Рэспублікі Беларусь № 442 «О продлении срока действия документов».

У сувязі з гэтым выдадзеныя фізічным і юрыдычным асобам дакументы, тэрмін дзеяння якіх скончыўся альбо заканчваецца ў перыяд з 10 лістапада 2020 г. па 10 мая 2021 г., будуць сапраўдныя яшчэ шэсць месяцаў.

Пералік канкрэтных дакументаў і рашэнняў, тэрмін па якіх аўтаматычна падоўжаны Указам № 442, будзе вызначаны Саветам Міністраў Рэспублікі Беларусь.

Мяркуецца, што сярод такіх дакументаў будуць значыцца наступныя:

  • даведка аб знаходжанні на ўліку для паляпшэння жыллёвых умоў;

  • даведка аб займаемым жылым памяшканні і складзе сям’і;

  • даведка аб месцы жыхарства і складзе сям’і;

  • копія асабовага рахунку;

  • рашэнне аб назначэнні дапамогі па доглядзе дзіцяці-інваліда ва ўзросце да 18 гадоў;

  • заключэнне УКК, МРЭК;

  • даведка аб стане здароўя;

  • акт абавязковага перыядычнага медыцынскага агляду;

  • дазвольная дакументацыя на будаўніцтва аднакватэрнага, блакіраванага жылога дома;

  • пашпарт грамадзяніна Рэспублікі Беларусь;

  • від на жыхарства ў Рэспубліцы Беларусь;

  • дакументы аб запрашэнні замежных грамадзян і асоб без грамадзянства;

  • дазвол на права займацца працоўнай дзейнасцю ў Рэспубліцы Беларусь замежнаму грамадзяніну;

  • пасведчанне кіроўцы;

  • дазвол на набыцце грамадзянскай зброі.

Таксама падоўжаны тэрмін дзеяння заключэння дзяржаўнай экспертызы па горадабудаўнічым, архітэктурным праекце, дазволу на размяшчэнне сродку вонкавай рэкламы, набыццё і захоўванне зброі, сертыфікатаў прадукцыі (тавараў, паслуг), шэрагу іншай дазвольнай дакументацыі, у тым ліку на ўвоз і вываз пэўных тавараў.

 З Указа № 172 вынікае, што ў грамадзян і юрыдычных асоб адсутнічае абавязак звяртацца ва ўпаўнаважаны орган за выдачай новых дакументаў і рашэнняў, калі тэрмін іх дзеяння скончыўся альбо заканчваецца ў перыяд з 10 лістапада 2020 г. па 10 мая 2021 г. Уладальнікі маюць права карыстацца наяўнымі ў іх дакументамі яшчэ на працягу шасці месяцаў. Так, да прыкладу, калі ў грамадзяніна тэрмін дзеяння даведкі аб стане здароўя скончыўся 10 лістапада 2020 г., то яна будзе сапраўдная яшчэ да 10 мая 2021 г.

уверх