Упраўленне прававога рэгулявання сацыяльнай дзейнасці дзяржавы

Упраўленне прававога рэгулявання сацыяльнай дзейнасці дзяржавы
Кіраўнік: Маўчун Надзея Мікалаеўна
Тэлефон: +375-17 200-89-00

Агульныя звесткі

Упраўленне прававога рэгулявання сацыяльнай дзейнасці дзяржавы ўваходзіць у склад галоўнага ўпраўлення нарматворчай дзейнасці ў сферы дзяржаўнага будаўніцтва.

Да кампетэнцыі ўпраўлення адносяцца падлiк стажу дзяржаўнай службы і разгляд пытанняў, якія ўваходзяць у сферу прававога рэгулявання наступных галін заканадаўства:

  • аб агульных пытаннях і асноўных напрамках архітэктурнай і горадабудаўнічай дзейнасці;

  • аб шлюбе і сям'і, актах грамадзянскага стану, у прыватнасці аб заключэнні і спыненні шлюбу, шлюбным дагаворы, правах і абавязках мужа і жонкі, бацькоў, аліментных абавязацельствах, усынаўленні (удачарэнні), апецы і папячыцельстве;

  • аб дзяржаўных святах, святочных днях, памятных і святочных датах, увекавечанні памяці;

  • аб жыллі, у прыватнасці, жыллёвых фондах, службовых жылых памяшканнях, інтэрнатах, забеспячэнні грамадзян жыллём, карыстанні жыллёвым фондам, сацыяльных гарантыях у жыллёвай сферы, будаўніцтве (рэканструкцыі), набыцці, утрыманні і рамонце жылля, вырашэнні жыллёвых спрэчак, найме жылога памяшкання;

  • аб добраўпарадкаванні населеных пунктаў, пахаванні і пахавальнай справе, камунальнай гаспадарцы;

  • аб ахове здароўя, у прыватнасці аб аказанні медыцынскай дапамогі, донарстве і трансплантацыі органаў і тканак, дапаможных рэпрадуктыўных тэхналогіях;

  • аб інфармацыі, інфарматызацыі і абароне інфармацыі, у прыватнасці, аб агульнадаступнай інфармацыі, інфармацыі, распаўсюджванне і (або) прадастаўленне якой абмежавана, сродках масавай інфармацыі, архівах, справаводстве, электронных дакументах і электронным лічбавым подпісе;

  • аб культуры і мастацтве, у прыватнасці аб гістарычна-культурнай спадчыне, бібліятэчнай і музейнай справе, кінематаграфічнай дзейнасці, культурных мерапрыемствах;

  • аб міжнародных прыватных працоўных і шлюбна-сямейных адносінах;

  • аб адукацыі, у прыватнасці аб узроўнях і ўстановах адукацыі, арганізацыі адукацыйнага працэсу, мерах сацыяльнай абароны навучэнцаў;

  • аб навуковай, навукова-тэхнічнай і інавацыйнай дзейнасці, у прыватнасці аб Нацыянальнай акадэміі навук Беларусі, навуковых работніках і навуковых даследаваннях;

  • аб пенсійным забеспячэнні, у прыватнасці аб прызначэнні і выплаце працоўных і сацыяльных пенсій, пенсій ваеннаслужачым;

  • аб прававым палажэнні замежных грамадзян і асоб без грамадзянства, міграцыі, праве прыстанішча, замежных грамадзянах і асобах без грамадзянства, якім дадзены статус бежанца, дадатковая або часовая абарона ў Рэспубліцы Беларусь;

  • аб санаторна-курортным лячэнні і аздараўленні насельніцтва;

  • аб санітарна-эпідэміялагічным дабрабыце насельніцтва;

  • аб дапамогах, сацыяльным абслугоўванні, яго сістэме, парадку, умовах аказання сацыяльных паслуг, дзяржаўным сацыяльным заказе;

  • аб працы, працаўладкаванні і занятасці насельніцтва, у прыватнасці, аб працоўным дагаворы, кантракце, заработнай плаце, рабочым часе і часе адпачынку, гарантыях і кампенсацыях, працоўнай дысцыпліне, ахове працы, працоўным стажы, выслузе гадоў, індывідуальных і калектыўных працоўных спрэчках, працоўных калектывах, дзейнасці прафесійных саюзаў у працоўных калектывах, калектыўных дагаворах і пагадненнях, адказнасці работнікаў і наймальнікаў;

  • аб фізічнай культуры, спорце і турызме, у прыватнасці, аб допінгу ў спорце, алімпійскім, паралімпійскім, дэфлімпійскім рухах, матэрыяльным забеспячэнні спартсменаў і спецыялістаў у вобласці фізічнай культуры і спорту, прафесійным спорце.


уверх