Упраўленне прававога рэгулявання праваахоўнай дзейнасці

Тэлефон: +375-17 200-02-24

Агульныя звесткі

На ўпраўленне прававога регулявання праваахоўнай дзейнасці ўскладаюцца наступныя асноўныя задачы:

удзел у прававым забеспячэнні нарматворчай дзейнасці Прэзідэнта Рэспублікі Беларусь, Нацыянальнага сходу Рэспублікі Беларусь і Савета Міністраў Рэспублікі Беларусь, забеспячэнне скаардынаванасці нарматворчай дзейнасці ва Ўрадзе Рэспублікі Беларусь (у сістэме рэспубліканскіх органаў дзяржаўнага кіравання, падпарадкаваных Савету Міністраў Рэспублікі Беларусь);
правядзенне абавязковай юрыдычнай экспертызы нарматыўных прававых актаў нарматворчых органаў, праектаў пастаноў Савета Міністраў Рэспублікі Беларусь;
разгляд і ўзгадненне праектаў законаў Рэспублікі Беларусь, актаў Прэзідэнта Рэспублікі Беларусь;
падрыхтоўка праектаў нарматыўных прававых актаў, прапаноў па павышэнню якасці заканадаўства ў курыруемых сферах грамадскіх адносін;
праверка стану нарматворчай дзейнасці па падрыхтоўцы праектаў заканадаўчых актаў, пастаноў Савета Міністраў Рэспублікі Беларусь у рэспубліканскіх органах дзяржаўнага кіравання, падпарадкаваных Ураду Рэспублікі Беларусь;
праверка выканання ўстаноўленага парадку падрыхтоўкі, прыняцця (выдання), уліку, накіравання на абавязковую юрыдычную экспертызу нарматыўных прававых актаў, правамернасці прымянення нарматыўных прававых актаў, якія не прайшлі абавязковую юрыдычную экспертызу;
разгляд зваротаў грамадзян, у тым ліку індывідуальных прадпрымальнікаў, і юрыдычных асоб.

Да кампетэнцыі ўпраўлення адносіцца правядзенне абавязковай юрыдычнай экспертызы праектаў пастаноў Савета Міністраў Рэспублікі Беларусь, нарматыўных прававых актаў нарматворчых органаў, узгадненне праектаў законаў Рэспублікі Беларусь, указаў і распараджэнняў Прэзідэнта, падрыхтоўка прапаноў па павышэнню якасці заканадаўства ў наступных сферах:

заканадаўства аб органах судовай улады, пракуратуры, Камітэта дзяржаўнага кантролю;
заканадаўства аб грамадзянскім судаводстве;
матэрыяльна-тэхнічнае забеспячэнне (войскаў, органаў унутраных спраў, Следчага камітэта, Дзяржаўнага камітэта судовых экспертыз);
заканадаўства ў сферы фізічнай культуры і спорту;
заканадаўства аб культуры;
сродкі масавай інфармацыі, выдавецкая справа, інфармацыйна-камунікацыйныя тэхналогіі, распрацоўка і выкарыстанне інфармацыйных сістэм (рэсурсаў), інфармацыйнае абслугоўванне, інфармацыйныя паслугі;
заканадаўства ў галіне абароны, нацыянальнай бяспекі, праваахоўнай дзейнасці, барацьбы са злачыннасцю і судова-экспертнай дзейнасці;
заканадаўства аб адміністрацыйных правапарушэннях і вядзенні адміністрацыйнага працэсу;
крымінальнае, крымінальна-працэсуальнае і крымінальна-выканаўчае заканадаўства.

Агульныя звесткі

Упраўленне кадравай палітыкі і ідэалагічнага забеспячэння (далей – упраўленне) з’яўляецца структурным падраздзяленнем Міністэрства юстыцыі і падпарадкоўваецца непасрэдна Міністру юстыцыі.

У склад упраўлення ўваходзяць:

аддзел кадравай работы;

аддзел ідэалагічнага забеспячэння.

Асноўнымі задачамі і функцыямі аддзела кадравай работы ўпраўлення з'яўляюцца:

забеспячэнне рэалізацыі дзяржаўнай кадравай палітыкі ў Міністэрстве юстыцыі, дакладнага і аднастайнага выканання заканадаўства аб дзяржаўнай службе;
вядзенне кадравага рэестра Міністэрства юстыцыі;
арганізацыя падбору кадраў у цэнтральны апарат Міністэрства юстыцыі, органы прымусовага выканання, галоўныя ўпраўленні юстыцыі і падначаленыя арганізацыі (далей – органы і арганізацыі сістэмы Міністэрства юстыцыі);
забеспячэнне павышэння прафесійнага ўзроўню работнікаў цэнтральнага апарата Міністэрства юстыцыі, органаў і арганізацый сістэмы Міністэрства юстыцыі;
забеспячэнне фарміравання рэзерваў кадраў, арганізацыі работы з імі і іх эфектыўнае выкарыстанне;
іншыя задачы і функцыі ў рамках кампетэнцыі, прадугледжаныя Законам Рэспублікі Беларусь «Аб дзяржаўнай службе» і іншымі актамі заканадаўства.

Асноўнымі задачамі і функцыямі аддзела ідэалагічнага забеспячэння ўпраўлення з’яўляюцца:

планаванне і арганізацыя правядзення ідэалагічнай работы ў цэнтральным апараце Міністэрства юстыцыі, органах і арганізацыях сістэмы Міністэрства юстыцыі. Аналіз правядзення ідэалагічнай работы ў цэнтральным апараце Міністэрства юстыцыі, органах і арганізацыях сістэмы Міністэрства юстыцыі;
арганізацыйнае і метадычнае садзейнічанне дзейнасці грамадскіх аб'яднанняў (прафсаюзных, маладзёжных арганізацый і т.п.) па аб’яднанні калектыву, выхаванні ў работнікаў пачуцця патрыятызму і адказнасці за лёс краіны;
павышэнне аўтарытэту і прэстыжу прафесіі работніка сістэмы юстыцыі, удзел у фарміраванні пазітыўнага грамадскага меркавання аб дзейнасці Міністэрства юстыцыі;
фарміраванне здаровага ладу жыцця работнікаў Міністэрства юстыцыі, занятак фізічнай культурай і спортам;
іншыя задачы і функцыі ў рамках кампетэнцыі, прадугледжаныя актамі заканадаўства.

Версія для друку