Якімовіч Валянціна Віктараўна

На намесніка Міністра юстыцыі ўскладаюцца:

• арганізацыя ўдзелу Міністэрства ў прававым забеспячэнні нарматворчай дзейнасці Прэзідэнта Рэспублікі Беларусь, Нацыянальнага сходу Рэспублікі Беларусь, Савета Міністраў Рэспублікі Беларусь
  і Нацыянальнага банка, забеспячэнне скаардынаванасці нарматворчай работы ў сістэме рэспубліканскіх органаў дзяржаўнага кіравання, падпарадкаваных Ураду Рэспублікі Беларусь, у сферы эканомікі
  і экалогіі;

• забеспячэнне правядзення абавязковай юрыдычнай экспертызы  ў дачыненні нарматыўных прававых актаў дзяржаўных органаў і арганізацый, падпарадкаваных Прэзідэнту Рэспублікі Беларусь, міністэрстваў, іншых рэспубліканскіх органаў дзяржаўнага кіравання, абласных і Мінскага гарадскога Саветаў дэпутатаў, аблвыканкамаў і Мінскага гарвыканкама па курыруемых напрамках дзейнасці;

• удзел у арганізацыі метадалагічнага кіраўніцтва і каардынацыі дзейнасці галоўных упраўленняў юстыцыі аблвыканкамаў па пытаннях правядзення імі абавязковай юрыдычнай экспертызы нарматыўных прававых актаў мясцовых Саветаў дэпутатаў, выканаўчых і распарадчых органаў базавага тэрытарыяльнага ўзроўню і праверак выканання ў мясцовых Саветах дэпутатаў, выканаўчых і распарадчых органах базавага тэрытарыяльнага ўзроўню ўстаноўленага парадку падрыхтоўкі, прыняцця (выдання), уліку, накіравання на абавязковую юрыдычную экспертызу нарматыўных прававых актаў, правамернасці прымянення іх нарматыўных прававых актаў, якія не прайшлі абавязковую юрыдычную экспертызу;

• арганізацыя работы па правядзенні праверак стану нарматворчай дзейнасці па курыруемых напрамках дзейнасці;

• арганізацыйна-метадалагічнае забеспячэнне і каардынацыя дзейнасці рэгіструючых органаў у сферы дзяржаўнай рэгістрацыі і ліквідацыі (спынення дзейнасці) камерцыйных арганізацый, індывідуальных прадпрымальнікаў (за выключэннем рэгістрацыі і ліквідацыі банкаў, нябанкаўскіх крэдытна-фінансавых арганізацый, страхавых арганізацый, страхавых брокераў, аб'яднанняў страхоўшчыкаў);

• арганізацыя вядзення Адзінага дзяржаўнага рэгістра юрыдычных асоб і індывідуальных прадпрымальнікаў.

Намеснік Міністра юстыцыі кіруе работай:

галоўнага ўпраўлення нарматворчай дзейнасці ў сферы эканомікі;

упраўлення прававога рэгулявання ў сферы будаўніцтва і прыродакарыстання;

упраўлення Адзінага дзяржаўнага рэгістра юрыдычных асоб і індывідуальных прадпрымальнікаў.