У Дзень ведаў у сталіцы пройдзе акцыя па бясплатнаму прававому кансультаванню студэнтаў

Па ініцыятыве Міністэрства юстыцыі пры падтрымцы Беларускай рэспубліканскай калегіі адвакатаў, Беларускай натарыяльнай палаты і Беларускага дзяржаўнага ўніверсітэта ў Дзень ведаў 1 верасня з 12.00 да 15.00 на базе бібліятэкі юрыдычнага факультэта БДУ (г. Мінск, вул. Ленінградская, 8, 1 паверх) будзе праведзена акцыя «Даступнае права» па бясплатнаму прававому кансультаванню студэнтаў сталічных ВНУ.

Юрысты Міністэрства юстыцыі, адвакаты, натарыусы пракансультуюць студэнтаў вышэйшых навучальных устаноў, а для тых, хто не зможа прыйсці ў пазначаны дзень і час, будзе даступна анлайн-кансультаванне. Для гэтага неабходна накіраваць сваё пытанне на адрас электроннай пошты Юрыдычнай клінікі БДУ (klinikabsu@mail.ru).

Спектр пытанняў, з якім студэнты могуць звярнуцца да юрыстаў у гэты дзень, шырокі, гэта і сацыяльная падтрымка студэнтаў, і працоўнае, грамадзянскае, сямейнае, жыллёвае права, і пытанні, звязаныя з ажыццяўленнем натарыяльных дзеянняў, з рэгістрацыяй бізнэсу, з парадкам спагнання запазычанасці па выканаўчых дакументах.

З улікам эпідэміялагічнага становішча пры арганізацыі кансультавання будзе нададзена ўвага выкананню масачных рэжыму і сацыяльнай дыстанцыі.

уверх