Віншаванне Міністра юстыцыі Рэспублікі Беларусь Сяргея Хаменкі з Нараджэннем Хрыстовым і надыходзячым Новым Годам

Паважаныя калегі, юрысты, супрацоўнікі органаў і ўстановаў юстыцыі Рэспублікі Беларусь! Дарагія ветэраны!

Сардэчна віншую Вас з Нараджэннем Хрыстовым і надыходзячым Новым Годам.

Перагортваючы лісты календара адыходзячага года, мы ўспамінаем яго знакавыя падзеі, прыемныя моманты і здзейсненыя мары.

Менавіта гэтымі днямі мы павінны сказаць адзін аднаму словы ўдзячнасці за працу і падтрымку, шчырасць і ініцыятыву ў пытаннях павышэння эфектыўнасці айчыннага заканадаўства і прававой культуры насельніцтва, абароны правоў і законных інтарэсаў грамадзян.

Упэўнены, што закладзеныя ў 2021 годзе асновы канстытуцыйнай рэформы Рэспублікі Беларусь, перспектыўныя напрамкі ўдасканалення заканадаўства ў розных сферах нашага грамадства будуць з поспехам рэалізаваны дзякуючы вашаму высокаму прафесіяналізму і кампетэнтнасці, адданасці сваёй справе і бязмежнай любові да сваёй Радзімы.

Новы год – гэта перш за ўсё добрае хатняе сямейнае свята, і я хачу пажадаць вам і вашым блізкім здароўя, дабрабыту, поспехаў і доўгага цікавага жыцця ў гармоніі з сабой, сваім сумленнем і, вядома, у згодзе з Законам!

 

З павагай,

Міністр юстыцыі 
Рэспублікі Беларусь                                                                         С.Н.Хаменка

уверх