Міністэрствам юстыцыі вызначаны парадак звароту спагнання на крыптавалюту ў рамках выканаўчага вядзення

Для забеспячэння магчымасці рэалізацыі на практыцы Указа Прэзідэнта Рэспублікі Беларусь ад 14 лютага 2022 г. № 48 «Аб рэестры адрасоў (ідэнтыфікатараў) віртуальных кашалькоў і асаблівасцях абароту крыптавалюты» Міністэрствам юстыцыі Рэспублікі Беларусь 14 красавіка г.г. прынята пастанова № 67 «Аб змене пастановы Міністэрства юстыцыі Рэспублікі Беларусь ад 7 красавіка 2017 г. № 67». Гэта пастанова набудзе моц 17 мая 2022 г.

Пастанова ад 14 красавіка нарматыўна замацоўвае парадак звароту спагнання на крыптавалюту ў рамках выканаўчага вядзення, у тым ліку пры выкананні выканаўчага дакумента аб канфіскацыі маёмасці даўжніка, аб звароте маёмасці даўжніка ў даход дзяржавы іншым спосабам. Указаны парадак прадугледжвае асаблівасці арышту, ацэнкі, а таксама рэалізацыі крыптавалюты ў рамках выканаўчага вядзення.