Стартаваў рэспубліканскі конкурс творчых работ «Права на дзяцінства»

Міністэрства юстыцыі запрашае хлопчыкаў і дзяўчынак ва ўзросце да 18 гадоў да ўдзелу ў конкурсе творчых работ «Права на дзяцінства».

Традыцыйны конкурс з кожным годам усё больш папулярны ў дзяцей і моладзі. У мінулым годзе ў ім прыняло ўдзел больш за дзве тысячы дзяцей з усіх куткоў Беларусі, а пераможцы былі ўзнагароджаны дыпломамі і каштоўнымі прызамі ад арганізатараў і партнёраў конкурсу.

Па выніках праведзенага конкурсу «Права на дзяцінства» у 2020 годзе ў Міністэрстве юстыцыі з'явілася тэматычная пастаянна дзеючая экспазіцыя, дзе прадстаўлены работы канкурсантаў.

Улічваючы цікавасць і вялікую колькасць творчых работ, прынята рашэнне аб правядзенні рэгіянальных этапаў конкурсу, па завяршэнні якіх лепшыя работы прымуць удзел у рэспубліканскім этапе конкурсу і Інтэрнэт-галасаванні.

Конкурс праводзіцца па трох намінацыях:

  • «Малюнак»;
  • «Анімацыя»;
  • «Відэаролік».

Тэмы для конкурсных работ:

  • правы дзіцяці;
  • сацыяльная абарона сям'і і дзяцей дзяржавай;
  • абарона правоў дзяцей-сірот і дзяцей, якія засталіся без апекі бацькоў;
  • правы дзяцей-інвалідаў;
  • абавязкі дзіцяці;
  • «У адзінстве – наша сіла» (работы павінны адлюстроўваць тэму правядзення Года народнага адзінства ў Беларусі).

Агульнымі крытэрыямі ацэнкі з'яўляюцца:

  • ступень самастойнасці і творчага падыходу;
  • арыгінальнасць раскрыцця тэмы конкурсу;
  • мастацкі ўзровень, эстэтычнае афармленне работы.

Конкурсныя работы прымаюцца да 10 мая 2021 года.

Малюнкі неабходна накіроўваць па пошце ў галоўныя ўпраўленні юстыцыі аблвыканкамаў, Мінскага гарвыканкама, а вось работы ў намінацыях «Анімацыя», «Відэаролік» падаюцца дыстанцыйна і павінны быць размешчаныя ў «воблаку» на серверы ў Інтэрнэце і даступныя для запампоўкі для прадстаўнікоў конкурснай камісіі.

Конкурс праводзіцца ў 3 этапы: рэгіянальны, рэспубліканскі і Інтэрнэт-галасаванне, у рамках якога карыстальнікі сацыяльных сетак «Вконтакте» і «Instagram» змогуць падтрымаць лепшыя работы сваімі галасамі.

Імёны пераможцаў будуць названыя ў Дзень абароны дзяцей – 1 чэрвеня 2021 года.

Памятнымі сувенірамі, каштоўнымі прызамі, падзякамі і дыпломамі ад Міністэрства юстыцыі Рэспублікі Беларусь і партнёраў конкурсу будуць адзначаны лепшыя творчыя працы, а дзеці будуць запрошаны на ўрачыстую цырымонію падвядзення вынікаў конкурсу.

Падрабязны рэгламент правядзенне конкурсу ў Палажэнні аб правядзенні конкурсу.

уверх