10 гадоў вэб-парталу Адзінага дзяржаўнага рэгістра юрыдычных асоб і індывідуальных прадпрымальнікаў

Вэб-партал Адзінага дзяржаўнага рэгістра юрыдычных асоб і індывідуальных прадпрымальнікаў (egr.gov.by) быў створаны дзякуючы волі Кіраўніка дзяржавы, адлюстраванай у Дырэктыве Прэзідэнта Рэспублікі Беларусь ад 31 снежня 2010 г. № 4 «Аб развіцці прадпрымальніцкай ініцыятывы і стымуляванні дзелавой актыўнасці».

Асноўная задача партала – забяспечыць электронную рэгістрацыю суб'ектаў гаспадарання.

На першым этапе магчымасць электроннай рэгістрацыі была дадзена толькі індывідуальным прадпрымальнікам і унітарным прадпрыемствам і толькі на тэрыторыі Мінска.

У 2014 г. адначасова былі ўведзены 2-гі і 3-ці этапы, што дазволіла электронна рэгістравацца ўсім суб'ектам гаспадарання (гэта і гаспадарчыя таварыствы, і вытворчыя кааператывы, і сялянскія (фермерскія) гаспадаркі, і ўстановы, і садаводчыя таварыствы, саюзы (асацыяцыі) і інш.) і на ўсёй тэрыторыі краіны.

У наступныя гады партал увесь час дапрацоўваўся, яго магчымасці пашыраліся.

Так, быў створаны бясплатны сэрвіс па праверцы контрагентаў і атрыманню базавай інфармацыі аб іх (звестак аб рэгістрацыі суб'екта, яго статусе, месцы знаходжання і кантактах, асноўным відзе эканамічнай дзейнасці, ліквідацыі і інш.). Дадзеную інфармацыю можна атрымаць і з дапамогай API-пратакола.

Выпіску з базы дадзеных Адзінага дзяржаўнага рэгістра юрыдычных асоб і індывідуальных прадпрымальнікаў (далей - АДР), якая змяшчае ўсю інфармацыю аб юрыдычнай асобе/індывідуальным прадпрымальніку, зараз можна атрымаць на працягу хвіліны.

У 2017 годзе з`явілася магчымасць электронна накіраваць дакументы аб ліквідацыі суб'ектаў гаспадарання. Натарыўсы сталі пасярэднікамі пры рэгістрацыі бізнесу і таксама з дапамогай партала накіроўваюць дакументы ў рэгіструючыя органы.

Такім чынам, сёння вэб-партал АДР дазваляе электронна ажыццяўляць усе працэдуры, звязаныя з рэгістрацыяй і ліквідацыяй бізнесу:

узгадніць назву арганізацыі;

зарэгістраваць юрыдычную асобу, індывідуальнага прадпрымальніка;

зарэгістраваць змены ў статут юрыдычнай асобы, у пасведчанне індывідуальнага прадпрымальніка;

паведаміць аб змяненні месцазнаходжання юрыдычнай асобы, прызначэнні (замене) яе кіраўніка;

накіраваць дакументы для ліквідацыі юрыдычнай асобы, спынення дзейнасці індывідуальнага прадпрымальніка;

атрымаць інфармацыю з АДР.

Вэб-партал АДР таксама змяшчае пакрокавую інструкцыю па рэгістрацыі і ліквідацыі бізнесу, падборку заканадаўства па гэтай тэматыцы, рубрыку «пытанне-адказ», актуальную інфармацыю навін, інфармацыю аб абмежаваннях для ўваходу ў бізнес, пералік рэгіструючых органаў з усімі кантактамі і паўнамоцтвамі, спасылкі на найбольш цікавыя для бізнесу інтэрнет-рэсурсы і многае іншае.

Ёсць магчымасць зваротнай сувязі па рабоце з парталам.

Функцыянуе мабільная версія вэб-партала. Аўтарызавацца на партале можна з дапамогай ключа электроннага лічбавага подпісу (ЭЛП) з атрыбутным сертыфікатам.

На бягучы момант партал дапрацоўваецца для забеспячэння магчымасці аўтарызацыі і падпісання электронных дакументаў з дапамогай ключа ЭЛП, размешчанага на ID-карце, а таксама мабільнага ЭЛП.